🩺 كيف غيرت مهنة التمريض حياة أسرة كاملة؟

 عقلي واقف... مش فاكر بقالي قد إيه شغال!

الاستاف كله منهك، بس مش

لاحقين يناموا.
بيحاولوا يلحقوا نص ساعة،
بحسدهم عليها الصراحة
لأني كتمريض ما ينفعش أنام
واقف على رجلي،
لأن الوقوف أهون من القعدة
اللي تخليني أشتاق للنوم.
يا رب ما تجيش حالة دلوقتي...
وفجأة، صوت خبطة الترولي على باب العمليات
زي طلقة ف ميدان فاضي.
الكل سكت، ووشوش متضايقة وتنهيدات...
بس ما أنكّرش، أنا يمكن كنت أكتر واحد متضايق.
دخلت الحالة:
Polytrauma – Severe brain injury
شاب صغير جاي في حادثة ونزيف على المخ
لازم تدخل جراحي فوري… حياة أو مروت.
بصيت للشاب لقيته ملتحي لحية خفيفة زي لحيتي
شاب صغير من سني أكيد كان عند أحلام
أكيد كان عنده زوجة .. لا،لا الدبلة في اليمين
ده لسه خاطب!
الشاب ده جايز كان طالع من شغله مروح
أو خارج مع أصحابه أو نازل يجيب طلبات
نزل ..
مارجعش!
ساعتها…
اتكسفت من نفسي إحنا بشتكي
وإحنا عندنا نعم كتيرة جدا.
وفي حد هنا…
كل أمله إنه يعيش.
x