🩺 كيف غيرت مهنة التمريض حياة أسرة كاملة؟

 في عزّ المعارك اللي كانت شغّالة في أوروبا زمان،

واللي كانت بتقع فيها جيوش وجنود بالعشرات في كل لحظة…

كان المشهد في ساحة الحرب صعب جدًا.
جرحى بيصرخوا، دم في كل حتة،
والكل بيجري يدور على فرصة يعيش.
بس المصيبة إن العلاج ماكانش بيروح للي محتاجه أكتر!
لأ، كان بيروح للي رتبته أعلى.
يعني لو ظابط اتعور جرح بسيط،
كانوا يشيلوه على الأعناق.
ولو جندي بين الحياة والموت؟
للأسف… يتساب ينزف لحد ما روحه تطلع.
وسط السواد ده، ظهر واحد اسمه دومينيك جان لاري، دكتور وجراح فرنسي، وكان شغال مع جيش نابليون بونابرت.
الراجل ده ماكانش زيه زي باقي الأطباء.
كان عنده ضمير،
وكان شايف إن الأرواح كلها لها نفس القيمة…
سواء كانت رتبة الجندي
"عسكري بسيط"
أو
"قائد كبير".
فكر لاري وقال: "ليه ما نعملش نظام يخلّي الأولوية في العلاج مش للرُتبة… لأ، للِّي فعلاً ممكن نلحقه؟"
ومن هنا طلع بمصطلح "ترياج" – وهي كلمة فرنسية أصلها "trier" يعني "يفرز". بس هنا الفرز ماكانش لفاكهة ولا ورق… ده كان فرز لأمل في حياة.
بدأ يطبّق فكرته دي في أرض المعركة:
اللي حالته خطيرة بس ممكن يعيش،
يتعالج فورًا.
اللي حالته ميؤوس منها،
يُراعى إنما من غير ما ياخد مكان حد تاني.
واللي إصابته بسيطة، يستنى دوره.
ومن هنا، مفهوم الترياج انتقل من ساحات القتال… للمستشفيات والطوارئ في العالم كله.
يعني لما تروح طوارئ المستشفى وتلاقي فيه ناس بتيجي بعدك ويتكشف عليهم قبلك، اعرف إن دي مش فوضى… ده نظام، اسمه ترياج، معمول عشان ينقذ أكتر عدد ممكن من الأرواح.
قصة نظام بدأ بالرحمة… وغيّر شكل الطب إلى الأبد.
x